ងៀតបបែល ដែលនាំចូលពីប្រទេសវៀតណាម ត្រូវកាំកុងត្រូលរកឃើញថា មានសារធាតុគីមី ហាម ឃាត់ ដែលដាក់លក់ នៅផ្សារស្វាយជ្រំ

ងៀតបបែល ដែលនាំចូលពីប្រទេសវៀតណាម ត្រូវកាំកុងត្រូលរកឃើញថា មានសារធាតុគីមី ហាម ឃាត់ ដែលដាក់លក់ នៅផ្សារស្វាយជ្រំ

ខេត្តស្វាយរៀង៖ កាលពីថ្ងៃទី៨ ខែឧសភា ឆ្នាំ២០១៩ម្សិលមិញនេះ ដើម្បីធានាសុវត្ថិភាពចំណីអាហារ ជូនប្រជាពលរដ្ឋមន្ត្រីសាខាកាំកុងត្រូលខេត្តស្វាយរៀង​ សហការជាមួយមន្ទីពាណិជ្ជកម្មខេត្ត និងអាជ្ញាធរស្រុកស្វាយជ្រំ គណៈកម្មការផ្សារនៅតែបន្តចុះត្រួតពិនិត្យទំនិញជាច្រើនមុខ ដោយផ្តោតសំខាន់ទៅលើគ្រឿងឧបភោគ បរិភោគប្រចាំថ្ងៃ នៅផ្សារស្វាយជ្រំ ខេត្តស្វាយរៀង និងរកឃើញងៀតបបែល មានសារធាតុគីមីផងដែរ ។

លោកប្រធានកាំកុងត្រូលខេត្តស្វាយរៀង ក៏បានអំពាវដល់ប្រជាពលរដ្ឋទាំងអស់ សូមមានការប្រុងប្រយ័ត្នចំពោះការបរិភោគ ចំណីអាហារ ត្រូវពិនិត្យមើលស្លាក សញ្ញាកាលបរិច្ឆេទ ឲ្យបានច្បាស់លាស់មុនទិញយកទៅបរិភោគ ដើម្បីចូលរួមលើកកម្ពស់សុខុមាលភាពទាំងអស់គ្នា ហើយមន្ត្រីកាំកុងត្រូល បានសន្យានឹងបន្តចុះពិនិត្យទំនិញ នៅតាមផ្សារនានា នៅក្នុងខេត្តស្វាយរៀង ឲ្យបានញឹកញាប់បន្ថែមទៀត ។

មន្ត្រីជំនាញបានពិនិត្យមុខទំនិញ ចំនួន១៧មុខ ជាលទ្ធផល ក្រោយការចុះអនុវត្តការងារ មន្ត្រីបានរកឃើញ សារធាតុគីមី ដែលដាក់ក្នុងមុខទំនិញងៀតបបែលចំនួន២គីឡូក្រាម ដែលមានសារធាតុគីមី ដែលវាអាចបំផ្លាញក្រពះ ពោះវៀន យ៉ាងធ្ងន់ធ្ងរ និងបានដក ហូតបានទំនិញហួសសុពលភាពបានជាច្រើនមុខទៀតផងដែរ ហើយក្រោយរកឃើញ មន្ត្រីជំនាញបានយកទៅដុតកម្ទេចចោលតែម្តង ៕

Leave a Reply

Your email address will not be published. Required fields are marked *